Abaraska taldea pertsona librezale batzuek osatzen dugu. Gure helburua fedibertsoa, software librea, euskara eta euskal kultura sustatzea da.
Kaixo, Unx. Administratzailea naiz. Eskerrik asko foroetan parte hartzeagatik. Etiketa arauak ditugu eta horien arabera bidalketa batzuk NSFW marka izan behar dute. Mesedez, datozen 24 orduetan editatu ezazu bidalketa hau eta NSFW marka jar iezaiozu (edo irudia kendu), bestela bidalketa ezabatu beharko dugu.
Eskerrik asko berriz parte hartzeagatik eta barkatu eragozpenak.
(jarraipena)
Historia ezagutzen ez duena huraxe errepikatzera kondenatuta dago. Hori bera ari da gertatzen Meta eta Fedibertsoarekin.
Zurrumurru batzuen arabera, Meta “Fedibertsoarekin bateragarria” izan liteke. Zure Mastodon kontutik Instagrameko jendea jarraitu ahalko zenuke.
Ez dakit zurrumurru horiek benetako zerbait ote duten, METAk hori planteatzea ere posible den. Baina gauza bat erakutsi zidan XMPPrekin eta OOXMLrekin izandako esperientziak: Meta Fedibertsoarekin elkartzen bada, Meta izango da irabazten duen bakarra. Izan ere, erreakzioek erakusten dute dagoeneko irabazten ari direla: Fedibertsoa bitan banatuta dago: Meta blokeatu ala ez. Hori gertatzen bada, horrek esan nahi du Fedibertsoa zatikatua, frustragarria eta bi mailakoa izango dela, eta ez dela erakargarria izango iritsi berrientzat.
(EGUNERAKETA: Zurrumurru horiek berretsi egin dira; izan ere, gutxienez Mastodon administratzaile batek, fosstodon.org instantziako kev-ek, Meta enpresatik bilera ez-ofizial batean parte hartzeko gonbitea jaso baitu. Erreakzio posible onena izan zuen: modu adeitsuan uko egin zion eta, garrantzitsuena, bere erabiltzaileekin gardena izateko posta elektronikoa argitaratu zuen. Eskerrik asko kev!).
Badakit denok amesten dugula gure lagun eta senitarteko guztiak Fedibertsoan edukitzea, sare jabedunak erabat saihesteko. Baina Fedibertsoak ez du bilatzen merkatua menderatzea eta etekinak lortzea. Fedibertsoak ez du hazkundea bilatzen. Askatasunerako leku bat eskaintzen du. Fedibertsoan elkartzen diren pertsonak askatasun bila dabiltzanak dira. Jendea prest ez badago edo askatasuna bilatzen ez badu, ondo da. Plataforma jabedunetan egoteko eskubidea daukate. Ez ditugu Fedibertsoan sartzera behartu behar. Ez genuke saiatu behar ahal dugun jende guztia sartzen kosta ahala kosta. Zintzoak izan behar dugu, eta ziurtatu jendeak Fedibertsoarekin bat egiten duela, balio batzuk partekatzen dituelako.
Kosta ahala kosta hazteko ideologia zentzugabearekin METAren aurka lehiatuz, ziur galduko dugula. Haiek dira joko horretan maisu. Mundu guztia erakarri nahi dute haien zelaira, beraien aurka lehiatzera bultzatuz, beraiek saltzen dituzten armekin.
Fedibertsoak bere eremua mantenduz baino ezin du irabazi, askatasunaz, moralaz, etikaz, balioez mintzatuz. Eztabaida ireki, ez-komertzial eta ez-zelatatuak sortuz. Helburua irabaztea ez dela aitortuz. Amore eman gabe. Helburua tresna izaten jarraitzea da. Konektatutako gizakiei askatasun-lekua eskaintzen dien tresna. Merkataritza-erakunde bakar batek ere inoiz eskainiko ez duen zerbait.
Ondo baino hobeto!