Olatukoopek, Gu Pirinioa eta Nafarroako Gobernuarekin elkarlanean, Pirinioan ekosistema kooperatibo eraldatzaileak sortzeko lanketa egiten ari da. Formazioa eta proiektuen bidelaguntza ardatzekin, lurraldetutako erreferentziazko ekosistemak sortzeko lehen pausoak eman dituzte. Subjektu eraldatzailea artikulatu, lurralde beharrak identifikatu, eta burujabetza materialak autoeraketaren bidez lantzeko asmoarekin, lehen bost proiektuen bidelaguntzak abian dira. 2022an bidea egiten jarraituko dute, #LurraldeBurujabeak helburu.